خطوة مهمة وكلام مهم لازم تعرفه...
في خبر مهم تم الافصاح عنه خلال المؤتمر الاقتصادي...
قلنا قبل كده ان مصير الشعوب مرتبط بالدولار، وان امريكا اللي فاضل لها من قوة قوتها، هي عملتها...
وذكرنا ان السعودية والصين على وشك اعلان التبادل التجاري بينهم -خاصة النفط- بالعملات المحلية... ودي تعتبر اعلان حرب على الهيمنة الامريكية...
ومش ببالغ لو قلت اعلان لانهاء الوجود الامريكي وتفككه، او على الاقل مش بالصورة الحالية..
انا كنت قلت لك ان الروس والعالم ادرك ان الحرب الحقيقية اقتصادية...
انا كنت قلت لك ان الكل ادرك ان اي حرب مع امريكا لا قيمة لها، مادام مازال الجميع مرتبط بالدولار...
اليوم، بدء سياسة جديدة، وفقا للتغيرات العالمية، وخطوة استباقية قوية.. وهي الاعلان عن تحديد قيمة العملة المحلية.
ببساطة يعني اية (عقود تحوط)...!؟
الدولة بتاخد موقف في سوق معين عشان تتفادي التقلبات في اسواق تانية، ودة بيخلى الدولة تتفادى مخاطر عديدة.. ودي سياسة قديمة من القرن التاسع عشر، لكنها اندثرت لاسباب اقتصادية، اهمها النظام العالمي للدولار وسلاسل التوريد والعقود المستقبلية.
ودة امر فعلا قريت عنه اخبار من اسبوعين، وتم تأكيده انهاردة... وهيتم العمل به، يعني مش تهويش ولا كلام وخلاص..
الفكرة كلها ان البنك المركزي، بياخد احتياطه من تذبذب اسعار العملات، عشان قرض الصندوق شارف على الوصول.
هنا انت بتحاول تغير الثقافة بالنسبة للمواطنين والمستثمرين، ان قيمة العملة المحلية (الجنية المصري) مش مرتبطة بالدولار فقط...
لان زي ما اتفقنا سابقاً ان الدولار سلعة (عرض وطلب) فانت عايز تقلل دة وتقضي عليه، وانه مش اهم حاجة..
ودي خطوة نحو تعزيز قيمة العملة المحلية، وغالبا دي خطوة عشان غالبا هتتفق مع دول عدة ان التبادل التجاري- على الاقل في سلع محددة- يكون بعملات محلية...
(يمكن دة كلام بعيد شوية، لكن مافيش حاجة بعيدة)
زي ما قلت لحضراتكم قبل كدة.. كل قرار بيكون نتيجة لسبب، او تنبأ لأزمة قادمة، وانت بتحاول تحل الازمة وتتفادها...
يبدو كدة ان في اتجاه عالمي، وقرارات من عدة دول هنشوفها في نفس الاتجاه، وان الدولار فعلا ممكن قريب ميبقاش العملة الاهم عالمياً.
خاصة ان حسن عبدالله محافظ البنك المركزي اكد ان الولايات المتحدة ليست الشريك التجاري الاساسي لمصر.
انت لك علاقات تجارية مع تركيا، والجنية المصري ارتفع امام الليرة التركية بنسبة (١٠٠%) ودة امر كويس، ولازم نلتفت له، اكتر من الدولار، وكذلك باقي الدول والعملات اللي لك علاقة بهم... بشكل كبير.
دة تاني، معنى..
فك ارتباطك ومصيرك بالدولار.
ودي الثقافة اللي انت محتاجها، انك مش تربط قيمة الجنية بالدولار، لكن هيكون في كذا عملة + الذهب (الذهب) هو مقياس ومؤشر الجنية المصري.
لكن دة محتاج دراسة متأنية، واكيد تمت لان القرار اتاخد، ومحتاج رقابة قوية، لان الغرض منه زيادة الشفافية... والابتعاد عن المضاربة والطرق العشوائية لتحديد الاسعار.. وخد بالك قفل الاستيراد، كان امر ضروري للتمهيد للسياسة المصرفية الجديدة.
المحافظ اكد كمان، ان المهمة الاساسية هي مواجهة التضخم والسيطرة عليه..
في نهاية العام الحالي، هيتم الاعلان عن مستهدفات التضخم للسنوات المقبلة...
والبنك المركزى المصرى يدرس كافة الأوضاع ويستمع لكافة المقترحات ويدرسها جيدًا للتعامل مع كافة الملفات...
اظن كدة عرفنا ليه مصر اشترت دهب من فترة، وبعض الهبيدة، طلعوا واتجننوا من الخبر دة وقتها.. مافيش وقت للرد على الهبيدة. غير بالفعل والتقدم للافضل ان شاء الله 💚