البوست الاقوي علي الاطلاق في
امتحان بنك مصر الجديد ❤️
المكان المعهد المصرفى
محتوى الامتحان بيكون جزئين
First >> ( English )
Second >> ( Numerical - verbal - ability )
بنمتحن انجليزى الاول ولو ربنا كرمنا بندخل الجزء التانى وعامل الوقت مهم جدا جدا لان كل سؤال بوقت متحدد.
اولا : الانجلش
نعتمد البوست دا كماتريال لامتحانات الانجليزي في معظم البنوك (البنك الزراعي - البنك الاهلي - بنك مصر - بنك القاهره - بنك ناصر) واي بنك هيكون امتحانه في المعهد المصرفي.
اول حاجه امتحانات البنوك بتقيس مهارات (الاستماع - القواعد - القراءة)، ومفيش كتاب مثلا تذاكره ويجي منه الامتحان، لكن ينفع تتدرب علي كل نوع.
اولا : قياس مهارات الاستماع
هيبقي عبارة عن مقطع صوتي هتسمعه وتجاوب علي الاسئلة، طبعا الجزء دا بيبدا سهل وبعدين بيزداد صعوبة، وعشان تتدرب عليه هتدخل علي الموقع دا، لو كل يوم سمعت ١٠ قطع وحليت عليهم اسألة اوعدك بعد فترة صغيرة هيبقي الموضوع سهل.
ثانيا : اختبار القواعد والكلمات
ودا بيكون عن نوعين، اما اسئلة اختيار، واما اسئلة اكمل ودي الاصعب غالبا، والاختبار دا بيعتمد علي المامك بالقواعد وكمان حصيلتك اللغوية، تمسك كتاب خارجي لتالته ثانوي وتذاكر القواعد، او تدخل علي اللينك دا وتنزل فايلات فيها القواعد واتذاكرها
وبعدين عندنا علي قناة المتفائلون تجميعة حلوة لحروف الجر وقاعدة IF
قاعدة if
حروف الجر
بعد ما تذاكر كويس هتدخل علي الموقع دا تختبر نفسك بخصوص القواعد والكلمات
ثالثاً : قياس مهارات القراءة
طبعا بتكون قطعه وعليها اسئلة اختياري، زي نظام الثانوية العامة كدا، ودي بتعتمد علي الحصيلة اللغوية، ودا لينك هيدربك الاستماع والجرامر والقواعد مع بعض
نيجي للجزء المهم بقي 😉
شكل الامتحان هيكون ازاي ؟!
هقولك علي نموذجين للامتحان واجاباتهم كمان، المهم متحلش النماذج الا لو مذاكر.
اختبار كامبردج الاول
اجابة امتحان كامبردج الاول
اختبار كامبردج الثاني
اجابة امتحان كامبردج الثاني
بكدا جمعتلكم اقوي المواقع اللي ممكن تتدرب عليها، وكمان شكل الامتحان، متنسوناش بالدعاء لينا، واعملوا subscribe لقناتنا علي اليوتيوب، قناة المتفائلون واللينك بتاعها اهو
ثانيا : الاي كيو
الاي كيو بيجي علي شكل 3 انواع 💪
Numerical
و ده مسائل وبتيجي في معظم البنوك حاليا.
Verbal
و ده قطع english بتحل على اساس فهمك
Ability
و دى ارقام و حروف فى جدولين بتقارنها ببعض و تشوف زى بعض و لا لا فى العدد كمان ودا اسهل نوع وممكن نعتبره هدية الامتحان
ماتريال Numerical
ناس كتير لما تيجي تذاكر اسئلة
numerical
تخاف وتحس الموضوع صعب 💔
والحقيقة عشان مكدبش عليكم هو صعب في الاول 😂💔
ولذلك قررنا اننا نعمل حلقات للمبتدئين، وانا بقول المبتدئين عشان الشرح خطوة بخطوة وترجمة للسؤال وشرح لكل خطوة، كمان هنعلمك ازاي تحل السؤال بسهولة، قسمنا الاسئلة علي حلقات ونزلنا 6 اجزاء 💪
حل اسئلة numerical بالعربي الجزء الاول
حل اسئلة numerical بالعربي الجزء الثاني
حل اسئلة numerical بالعربي الجزء الثالث
حل اسئلة numerical بالعربي الجزء الرابع
حل اسئلة numerical بالعربي الجزء الخامس
حل اسئلة numerical بالعربي الجزء السادس
بنك مصر بيبعت link تدرب عليه بس link بيدربك على نوع واحد من كل شكل و بعد كدة تعمل test علشان تدرب ع الوقت لان الوقت لازم سريع ده iQ
الموقع ده فيه channel ع YouTube فيها شرح كل المسائل بالظبط مش مسألة واحدة بس لا كل المسائل اللى ع موقع ده links
و الامتحان بيبقى شبه الافكار دى و إن شاء الله ابسط بيراعوا الوقت شوية.
#المتفائلون ❤️
#عافر_هتوصل 💪
#ابانوب_سامي
#ريمون_رضاني